Добредојдовте на страницата на „Поддршка на процесот за децентрализација“
Проект финансиран од ЕУ, а раководен од Европската агенција за реконструкција
„Поддршка на процесот за децентрализација” е уште еден од напорите на Европската Унија за поддршка на децентрализацијата во земјава. Основната цел на активноста, раководена од Европската агенција за реконструкција, е да се поддржи Владата при целосната примена на процесот на децентрализација, како и властите на централно и локално ниво преку модернизација на јавната администрација и нејзино приближување до ЕУ стандардите.
Главните учесници и корисници на активноста се Министерството за локална самоуправа, Здружението на единиците на локалната самоуправа (ЗЕЛС), како и 36 општини од целата територија на земјава.
_________________________________
_________________________________
АПЛИКАЦИЈА ЗА ШЕНГЕН ВИЗА
ДОДАТОК НА АПЛИКАЦИЈАТА
_________________________________
Јазик, род,човечкови права, инвалидност, животна средина
Во развојот на секое општество постојат прашања од заеднички интерес кои не смат да бидат изоставени. Тоа се прашањата за третманот на етничките заедници во општините, грижата за родовата рамноправност, инвалидноста, животната средина, човековите права и сл. Проектот Поддршка на процесот на децентрализација успешно ги вкрстува овие прашања со своите три главни области на интерес: Општинските центри за услуги (ОЦУ), планирањето на локалниот развој и градењето на капацитетите на МЛС и ЗЕЛС за давање на правна помош на општините.
При планирањето и развивањето на ОЦУ посебно внимание ќе биде посветено на употребата на јазиците на малцинските етнички заедници. Нашите препораки до општините, дадени преку обуките, тренирањето на работното место и Прирачникот кој е во подготовка се дека: сите документи кои ќе бидат истакнувани во Центрите како и брошурите кои ќе се објавуваат треба да бидат објавувани и на јазиците на етничките заедници (според закон), а исто така препорачуваме општината да назначи лице од своите вработени кое ќе делува како толкувач при усната комуникација. Проектот во своите обуки се грижи да бидат вклучени и претставници од помалите етнички заедници чии претставници сочинувале приближно 19% од вкупниот број на учесници. Дел од нашите материјали за обука беа изготвени и на албански јазик, а исто така веб-страницата и Информаторот на Проектот редовно се објавуваат и на албански јазик.
Родовата еднаквост е човечко право кое обезбедува жените и мажите да живеат достоинствено и слободно. Препораките на Проектот во врска со ова прашање се вметнати во сите три компоненти преку осврти во прирачниците за општините, Методологијата за планирање на општинското развојно планирање, како и преку посебни поглавја во истражувањето на задоволството на граѓаните од општинските услуги и индикаторите за локален развој. Исто така, преку 45% од учесниците на нашите обуки биле жени.
Инвалидноста е едно осетливо прашање за секоја заедница на кое исто така посветивме внимание. Секаде каде што е технички изводливо, со реновирањето на Општинските центри за услуги ќе биде финансирано и поставување на пристапни рампи за хендикепирани лица. Преку обуките, вработените во Општинските центри за услуги се запознаа со најадекватните начини на кои можат да ги услужат граѓаните со хендикеп, а Прирачникот за ОЦУ ќе содржи и специјално поглавје посветено на ова прашање, од каде ви пренесуваме еден мал дел (повеќе).
Животната средина и грижата за неа ја поддржуваме преку работата со ОЦУ кои ќе даваат услуги и од оваа област. Вработените во овие Центри добија посебна обука од областа на животната средина – за законските одредби и типот на услуги кои тие како општина ќе ги даваат. Помошта која ја даваме на општините во планирањето на локалниот развој и изработката на студии на исплатливост во себе содржи постојано осврнување и оценување на проектите од аспект на нивното влијание врз животната средина.
_________________________________
 |
Обезбедување ефективни услуги кон граѓаните и правните субјекти - нова рунда обуки за вработените во Општинските центри за услуги. Во текот на мај и јуни преку 160 вработени во Општинските центри за услуги од нашите 36 партнер општини ќе ги посетат обуките за Обезбедување ефективни услуги кон граѓаните и правните субјекти.
|
На овие работилници ќе бидат разгледани техничките аспекти од давањето на услуги во центрите и тоа за следните области:
- Општи информации поврзани со работата на ЕЛС и законските надлежности
- Локални даноци и такси
- Животна средина
- Урбанизам
- Комунални дејности
На овие обуки учесниците (вработени во предната канцеларија на ОЦУ) ќе се здобијат со основни познавања на техничкиот аспект на секоја услуга, како и конкретни примери на барања од граѓани и правни лица со кои тие ќе се соочат во периодот на функционирање на центрите. Како предавачи ги ангажиравме: М-р. Јадранка Кунгуловска, М-р.Томе Шеќерџиев и Иван Андрески во делот за Општи информации поврзани со работата на ЕЛС и законските надлежности; М-р. Игор Андреев за Локаните даноци и такси; М-р. Константин Сидеровски во делот за Животна средина, М-р. Душица Трпчевска – Ангелковиќ за Урбанизам и Тодор Кушевски за услугите од областа на Комуналните дејности.
|
_________________________________
 |
Во рамките на нашата поддршка за институционално јакнење на Министерството за локална самоуправа (МЛС) и ЗЕЛС организиравме две работилници во текот на февруари март: Развој на комуникациски и преговарачки вештини и Раководење со време и себераководење.
|
Работилниците беа организирани за мешана група на вработени од МЛС и ЗЕЛС, а со цел подобрување на вештините на учесниците во областите на интерперсонална комуникација, преговарање, раководење со време и себераководење. Коментарите и евалуациите на учесниците нe уверија дека изборот на теми беше одличен и дека овие вештини се клучни за поголема ефикасност и ефективност на нивните работни места , како дополнување на нивните професионални вештини.
|
________________________________
Употребата на ГИС во Урбанистичкото планирање е активност од исклучителна важност и големи поволности за секоја општина. Со оглед на комплексноста и захтевноста од ресурси , потребно е постојано јакнење на капацитетите на општините за употреба на ГИС во Урбанистичкото планирање. Проектот Поддршка на процесот на децентрализација обезбеди обука за употребата на ГИС во Урбанистичкото планирање за сите општини од земјава. Обуката се одвива во две фази: првата фаза беше наменета за основите на употребата на ГИС и еднодневната обука ги опфати помалите општини кои се сеуште на почеток на користење на ГИС-от. Во втората фаза се опфаќаат поголемите општини и оние кои се понапредни во користењето на ГИС . Обуката трае три дена а теми на дискусија се: Ситуацијата со ГИС во државата, огледи кон пристапноста на топографски и катастарски мапи, како и практична обука за употреба на софтверот Arcview во урбанистичко планирање.
|
________________________________
Чекори и методи за подобрување на информираноста на граѓаните и давање советодавни услуги
_________________________________
_________________________________
 |
На работилницата “Организирање на планирањето на локалниот развој” преку 60 општински експерти за локален развој имаа шанса да разменат идеи со претставници на Министерството за локална самоуправа, ЗЕЛС, Генералниот секретаријат на Владата и Бирото за регионален развој. Во детаљи беше дискутиран процесот на планирањето на локалниот развој, како и тоа како улогите на централната и локалната власт се испреплетуваат и поврзуваат. |
Општините Неготино, Струга, Струмица и Куманово ги споделија со останатите општини и преставниците на централната власт своите драгоцени искуства во планирањето на локалниот развој. Главната придобивка од оваа работилница беше токму ангажирањето на локалните и централните власти во заедничка дискусија за прашањата на локалниот развој, како и креирање на синергија за изнаоѓање на нови решенија. На оваа работилница ние исто така ја претставивме и нашата Нацрт –методологија за планирање на локалниот развој и отворивме една подолгорочна дискусија за нејзино подобрување и финализирање. |
________________________________
 |
Големи напори и ресурси на проектот Поддршка на процесот на децентрализација се насочени кон зајакнување на капацитетите на Општинските центри за услуги (ОЦУ) во проектните општини. Важен дел на тие активности се и обуките за “Градење на односи и доверба со граѓаните” во кои беа вклучени преку 170 идни вработени во ОЦУ. |
Овој модул опфати шест дена обука по учесник и тоа обука од областа на Вештини за комуникација, Вештини за преговарање, Вештини за мотивација и Вештини за меѓусекторска комуникација. Низ интерактивна настава исполнета со многу практични примери и вежби , учесниците ги подобрија своите способности за интеракција со своите клиенти – граѓаните, како и со своите колеги од општинската администрација. Друга важна придобивка од овие обуки се и регионалните мрежи на вработени во ОЦУ кои се создадоа низ заедничката настава и дружење. |
________________________________
________________________________
